धर्मगुरु श्रीनिवास काठमान्डौँबाट पुनः पक्राउ, मुद्दा चलाउने तयारी

न्यूज ब्यूरो, जनकपुरधाम । प्रहरीले काठमाडौंको गौशालाबाट धर्मगुरु आचार्य श्रीनिवासलाई पक्राउ गरेको छ। व्यवसायी दुर्गा प्रसाईँ पक्षले सोमबार गौशाला क्षेत्रमा गरेको प्रदर्शनका क्रममा बोलेका आचार्य श्रीनिवासलाई प्रहरीले पक्राउ गरेको हो।

गौशाला चोकमा प्रदर्शनकारीले सडक अवरुद्ध गरेको भन्दै प्रहरीले उनीहरुलाई पक्राउ गरेको हो। सोही क्रममा प्रहरीले आचार्य श्रीनिवासलाई पनि पक्राउ गरेको हो। पक्राउपछि उनलाई गौशाला प्रहरीमा राखिएको छ।

आचार्य श्रीनिवासमाथि मुद्दा चलाउने तयारी गरेको प्रहरी परिसरका प्रवक्ता कुमोध ढुंगेलले जानकारी दिए।

केही महिना अगाडी जनकपुरमा भएको गौ हत्या विरुद्धको रैलीको क्रममा उनले गौ हत्या गर्नेलाई हत्या गर्ने जस्ता विवादस्पद अभिव्यक्ति दिएपछि उनलाई सुनसरीबाट पक्राउ गरिएको थियो ।