सिडिओसहित ४० उपसचिवको सरुवा, धनुषामा शाह आउँदै

न्यूज ब्यूरो, जनकपुरधाम । गृह मन्त्रालयले मापदण्डअनुसार अवधि पुगेका र सरुवा मागेकामध्ये मातहतका ४० जना उपसचिवको सरुवा तथा पदस्थापन गरेको छ।

राजपत्राङ्कित द्वितीय श्रेणीका ४० जनालाई बिहीवार प्रमुख जिल्ला अधिकारी र विभिन्न महाशाखामा जिम्मेवारी तोकिएको हो ।

गृह मन्त्रालयमा रहेका उपसचिव विश्वामित्र कुइँकेललाई बझाङको प्रमुख जिल्ला अधिकारीमा सरुवा गरिएको छ ।

सरुवाका प्रमुख जिल्ला अधिकारी प्रकाशचन्द्र अधिकारीलाई बैतडी सरुवा गरी राष्ट्रिय विपद् जोखिम न्यूनीकरण तथा व्यवस्थापन प्राधिकरणमा काजमा खटाइएको छ ।

अध्यागमन विभागमा रहेका खिमराज भुसाल दैलेखको प्रमुख जिल्ला अधिकारीका रूपमा सरुवा भएका छन् ।

सो क्रममा धनुषाका सहायक प्रमुख जिल्ला अधिकारी अनुज भण्डारीको सरुवा भएको छ । भण्डारीलाई तत्कालिन धनुषाका सिडिओ काशिराज दाहाल सरुवा भएका कारागार व्यवस्थापन विभागमा सरुवा भएको छ ।

भण्डारीको ठाउँमा नयाँ सहायक प्रमुख जिल्ला अधिकारी सागर शाह आउने भएको छ ।

List-cdos.docx-without-no.pdf