धनुषाको सबैलामा युवकमाथि छुरा प्रहार

न्यूज ब्यूरो, जनकपुरधाम । धनुषाको सबैलास्थित आयोजना गरिएको दुर्गा मेलामा एक युवकमाथि छुरा प्रहार गरिएको छ । मेलामा बरफ बेच्न गएका एक युवक छुरा प्रहारबाट गम्भीर घाइते भएकाछन् ।

सबैला नगरपालिका १० खरियानी निवासी २७ वर्षीय सदाम हुसेन धुनिया छुरा प्रहारबाट घाइते भएका हुन् । धुनिया दुर्गा मेला सबैलामा बरफ बेच्न आएका थिए ।

उनको ढाडको बाँया,दायाँ कुममुनिमा गहिरो चोट लागेको प्रहरीले जनाएको छ । धुनियाको स्थानीय अमन हेल्थ केयर सबैलामा उपचार भइरहेको छ ।

छुरा प्रहार गर्नेलाई पक्राउ गरि अनुसन्धान भैरहेको इलाका प्रहरी कार्यालय सबैलाका प्रहरी निरीक्षक सुन्दर चौलागाईले जनाएको छ ।