मधेश प्रदेशमा मन्त्रीमण्डल पुर्नगठन, पुनः थपियो मन्त्री, मन्त्रीको सँख्या पुग्यो १४

न्यूज ब्यूरो, जनकपुरधाम । मधेश प्रदेश सरकार पुर्नगठन गरिएको छ । प्रदेश सरकारमा पुनः एक मन्त्री थपिएको छ ।

मधेश प्रदेशका मुख्यमन्त्री सरोजकुमार यादवले शुक्रबार मन्त्रिमण्डल विस्तार गरेका हुन् । मन्त्रीमण्डलमा खेलकूद तथा समाज कल्याण मन्त्रालय थपिएको छ । शिक्षा मन्त्रालयबाट सो मन्त्रालय फुटाएर अर्को मन्त्रालय बनाएको हो ।

शिक्षा तथा खेलकूद मन्त्रालय बनाएर लोसपाबाट जसपा प्रवेश गरेकी साँसद सुरिता साह मन्त्री बनेकी हुन् । मुख्यमन्त्री यादवले उनलाई सो मन्त्रालयको जिम्मेवारी दिएको हो ।

मुख्यमन्त्री यादवले सुरिता साहलाई खेलकूद तथा समाज कल्याण मन्त्री बनाएर प्रदेश प्रमुख कहाँ सिफारिस गरेपछि सिफारिस मन्जुर भएको हो । मधेश प्रदेशमा मन्त्रीको सँख्या १४ पुगेको छ ।