हिन्दु धर्मगुरु श्रीनिवासमाथि सार्वजनिक शान्ति खलल विरुद्धको मुद्दा

न्यूज ब्यूरो, जनकपुरधाम । हिन्दु धर्मगुरु श्रीनिवास आचार्यमाथि सार्वजनिक शान्ति खलल विरुद्धको मुद्दा चलाईएको छ । मँगलबार सुन्सरीबाट पक्राउ परेका आचार्यमाथि धनुषामा सार्वजनिक शान्तिविरुको कसुर मुद्दा चलाइएको हो ।

मँगलबार अपरान्ह सुनसरीस्थित आफ्नै निवासबाट पक्राउ परेका श्रीनिवासलाई बुधबार साँझ जनकपुरधाम ल्याइएको हो । उनीमाथि जिल्ला प्रशासन कार्यालय धनुषामा सार्वजनिक शान्तिविरुको कसुर मुद्दा दर्ता गरिएको हो ।

बुधबारदेखि लागु हुने गरी उनीमाथि मुद्दा दर्ता भएको जिल्ला प्रहरी कार्यालय धनुषाका प्रहरी प्रवक्ता डिएसपी रञ्जन अवाले जानकारी दिए ।

असोज १२ गते जनकपुरधाममा भएको गौ–हत्याको विरुद्धको जुलुसको कोणसभामा उनले खुकुरी देखाउँदै गौहत्या गर्नेलाई खुकुरीले छप्काइदेउ भन्ने उत्तेजक अभिव्यक्ति दिएको आरोपमा सुन्सरी प्रहरीले उनलाई मंगलबार पक्राउ गरेको थियो । बुधबार साँझ उनलाई कारबाहीको लागि धनुषा ल्याइएको हो ।

जनकपुरधाममै हिंसा भड्काउने उत्तेजक अभिव्यक्ति दिएको भन्दै कारबाहीको लागि ल्याइएको प्रहरीले जनाएको छ । अहिले उनलाई जिल्ला प्रहरी कार्यालय धनुषाको हिरासतमा राखिएको छ ।

यता, श्रीनिवासमाथि पक्राउ गरिएको विरोधमा हिन्दु धर्मगुरु, साधुसन्त, ओमकार समाजले जनकपुरमा आज रैली निकाल्ने भएको छ । बाह्रविघा मैदानबाट सो रैली निकाल्ने भएको छ ।

कसैले लेखेर, वचनले वा आकार वा चिह्नद्वारा वा अरु कुनै किसिमबाट धर्म, वर्ण, जात, जाति, सम्प्रदाय वा भाषाको आधारमा नेपालका विभिन्न वर्ग, क्षेत्र वा समुदायका व्यक्तिहरुका बिचको सुसम्बन्धमा खलल पार्ने काम गर्न हुँदैन । भनेर उल्लेख छ ।

सो कसुर ठहर भएको खण्डमा उपदफा (१) बमोजिमको कसूर गर्ने वा गराउने व्यक्तिलाई एक वर्षसम्म कैद र दश हजार रुपैयाँसम्म जरिबाना हुने व्यवस्था रहेको छ ।