आज नवौँ संविधान v/s कालो दिवस मनाइदै

न्यूज ब्यूरो, जनकपुरधाम । आज (बुधबार) नवौँ सविधान दिवस स्वदेश र विदेशमा विविध कार्यक्रमको आयोजना गरी भव्यरुपमा मनाइँदैछ ।

संविधान दिवस मूल समारोह समितिद्वारा सैनिक मञ्च टुँडिखेलको विशेष समारोहमा राष्ट्रपति रामचन्द्र पौडेल उपस्थित जनाएका छन् ।

जनताका प्रतिनिधिद्वारा निर्माण गरी संविधानसभाबाट जारी भएको नेपालको संविधानलाई विश्वकै उत्कृष्ट संविधानकारुपमा रहेको ख्याख्या र विश्लेषण गरिएको छ ।

सङ्घीय लोकतान्त्रिक गणतन्त्र नेपालको संविधानले गणतन्त्र, सङ्घीयता, धर्मनिरपेक्ष, समावेशी र समानुपातिक सिद्धान्तलाई आत्मसात् गरेको छ ।

जनताको हितका खातिर संविधानमा मौलिक हकका रुपमा अनेकौँ प्रावधान राखिएको छ । नेपालको संविधानले मुलुकमा सङ्घ, प्रदेश र स्थानीय तहको राज्यसमयन्त्र सुनिश्चिता गरेको छ ।

निर्वाचनका माध्यमद्वारा तीन तहका सरकार कार्यान्वयनमा गएसँगै जनताले सिंहदरबारको अधिकार घरदैलोबाटै प्राप्त गरेको अनुभूति गरिरहेका छन् ।

यता, तराई मधेशको विभिन्न जिल्लामा सँविधान दिवसकै दिन कालो दिवस मनाउने निर्णय गरिएको छ । जनकपुरधामसहित विभिन्न जिल्लामा लोसपाले कालो दिवस मनाउने निर्णय गरेको छ भने जसपा तटस्थ तथा संविधान दिवस मनाउने पक्षमा रहेको छ ।

तराई मधेशका युवाहरुले भने राजधानी काठमान्डौँमा समेत कालो दिवस मनाउने भएको छ । संविधान जारी गर्न टाउको र छातीमा गोली हानेर रगतले लतपत संविधान भन्दै कालो दिवस मनाउन लागिएको हो । संविधान जारीकै लागि सयौँ मधेशीको हत्या गरिएको भन्दै तराई मधेशमा कालो दिवस मनाउँदै आएको छ ।