सर्लाहीको मलँगवामा स्थिति साम्य नभएपछि २७ गतेसम्म थपियो निषेधाज्ञा

न्यूज ब्यूरो, मलँगवा । मधेश प्रदेशको सर्लाही जिल्लाको सदरमुकाम मलँगवास्थित लगाईएको निषेधाज्ञा (कर्फ्यू) को अवधी थपिएको छ ।

सर्लाहीका प्रमुख जिल्ला अधिकारी ईन्द्रदव यादवले जारी गरेको सूचनामा आज आईतबार विहान ८ बजेसम्मको लागि घोषणा गरिएको निषेज्ञाको अवधी बढाएर आउँदो २७ गतेसम्मलाई थपिएको हो ।

मलँगवामा शुक्रबार कृष्ण भगवानको प्रतिमा विसर्जनको क्रममा हिन्दु–मुस्लिम समुदायबीच तनाव उत्पन्न भएपछि प्रशासनले सो क्षेत्रमा निषेधाज्ञा जारी गरेको हो । शनिबार नै जिल्ला प्रशासन कार्यालय सर्लाहीले सूचना जारी गर्दै निषेधाज्ञा लगाएको हो ।

शनिबार साँझ ४ बजेदेखि आईतबार विहान ८ बजेसम्मको लागि मात्र जारी गरिएको निषेधाज्ञा स्थिति समान्य नहुने भएपछि प्रशासनले निषेधाज्ञा लम्ब्याएको हो । निषेधाज्ञा बुधबार राती १२ बजेसम्मको लागि निषेधाज्ञा जारी गरिएको हो ।

मँलगवामा प्रत्येक बर्ष मूर्ति सेलाउन प्रशासनले नै तय गरेको रुटमा मूर्ति विसर्जन गर्न जाँदै गर्दा मुस्लिम समुदायका केही व्यक्तिहरुले छतबाट ढुँगामुढा, तातोपानी श्रद्धालुहरु उपर फाल्न थालेपछि दुईतर्फी झडप भएको थियो ।

साविक मलंगवा नगरपालिका क्षेत्रको पूर्वमा झिम नदी, पश्चिममा मुसैली नहर, उत्तरमा अस्थायी प्रहरी चौकी तथा बाबा पेट्रोल पम्प र दक्षिणमा नेपाल भारत सीमा क्षेत्रसम्म कर्फ्यू लागु हुने भएको छ ।