जनकपुरमा काँग्रेसियाहरुको जक्काजामसहित उग्र आन्दोलन

न्यूज ब्यूरो, जनकपुरधाम । मधेश प्रदेशको राजधानी जनकपुरधामस्थित नेपाली काँग्रेस निकट विद्यार्थीहरुले आन्दोलन चर्काएका छन् ।

बुधबार काठमान्डौँमा नेपाली काँग्रेस पार्टीका सह महामन्त्री महेन्द्र यादवमाथि भएको साँघातिक आक्रमणको विरोधमा नेपाली काँग्रेसका भातृ सँगठन नेपाल विद्यार्थी सँघले जनकपुरमा आन्दोलन चर्काएका हुन् ।

नेविसँघ, तरुण दललगायतले सँयुक्त रुपमा जनकपुरको रामानन्दचोकस्थित सडक जाम गरी दोषीलाई कारवाहीको माग गर्दै आन्दोलन चर्काएको हो । उनीहरुले विहिबार उग्र प्रदर्शन गरेका छन् ।

राजसँस्था चाहिँदैन भन्दै विद्यार्थी नेताहरुले रामानन्दचोकस्थित गाडीहरुलाई रोकेर प्रदर्शन गरेका हुन् । उनीहरुले रामानन्दचोकमा एक घण्टा चक्काजाम समेत गरेका हुन् । सोही क्रममा गरिब निमुखाहरुले चलाउने रिक्सालाई उनीहरुले रोकेर पल्टाईदिएका थिए । उनीहरुको हर्कतको चौतर्फी विरोध भएको हो ।

आफू राजावादी र राष्ट्रवादी हुँ भन्दै काँग्रेसबाट पूर्व मन्त्री समेत रहेका महेन्द्र यादवमाथि खुकुरी प्रहारी हत्या प्रयास गरेका थिए ।