महदैयामा मुस्लिम समुदायको भीडले हिन्दु सम्राट सेनामाथि आक्रमण गर्योः हिन्दु सम्राट सेना

न्यूज ब्यूरो, जनकपुरधाम । महोत्तरीको महदैयामा मँगलबार मुस्लिम समुदायका भीडले हिन्दु सम्राट सेनामाथि आक्रमण गरेको आरोप लगाएको छ ।

हिन्दु सम्राट सेना नेपाल जनकपुरधामले एक प्रेस विज्ञप्ति जारी गर्दै मँगलबार महोत्तरीको लोहारपट्टि नगरपालिका वडा नं. ३ महदैया तपनपुरस्थित मूर्ति तोडफोडको विषयमा छलफल गरेर निस्किदै गर्दा बाहिरबाट आएका मुस्लिम समुदायका व्यक्तिहरुले हिन्दु सम्राट सेनाका सदस्यहरुलाई लक्षित गरी कुटपिट गरेको आरोप लगाएको हो ।

विज्ञप्तिमा हिन्दु सम्राट सेनाकी लक्ष्मी साहलाई मुस्लिम युवकहरुको भीडले तछाडमछाड गरी बलात्कार प्रयास समेत गरेको उल्लेख छ । सम्राट सेनाका सचिव अविनाश यादवद्धारा हस्ताक्षरित विज्ञप्तिमा प्रहरी प्रशासनको अगाडी नै महदैयामा मुस्लिमहरुले हिन्दु सम्राट सेनामाथि घेरा हालेर कुटपिट गरेको उल्लेख गरेको हो ।

हिन्दु सम्राट सेनाले २४ घण्टाभित्र घटनाको छानबिन गरी दोषीमाथि कारवाही नगरिए सोही अवस्था दोहरयाउने चेतावनी समेत दिएका छन् । उनीहरुलाई कारवाहीको लागि प्रशासनसँग माग गरेको हो ।