जनमतको राईट टु रिकल्समा १६ मध्ये ४ साँसद फेल, यी १२ साँसद पास, सुध्रिने मौका दिईने

न्यूज ब्यूरो, जनकपुरधाम । डा. सिके राउत नेतृत्वको जनमत पार्टीले अभ्यास थालेको राईट टु रिकल्स (अप्रुभल रेटिँग) को क्रममा १६ मध्ये ४ साँसद फेल भएका छन् ।

जनताले चुन्ने जनप्रतिनीधिलाई जनताको लागि के कतिको काम गरेको सन्दर्भमा गरिएको राईट टु रिकल्स अर्थात जनता सन्तुष्ट नभए ५ बर्ष अघि नै जहिले पनि फिर्ता बोलाउन सक्ने अभ्यासको क्रममा १६ मध्ये ४ साँसद फेल भएका हुन् । उनीहरुलाई प्रथम र अन्तिम पटक सुघ्रिने मौका दिईने जनाईएको छ ।

राईट टु रि कलका लागि भएको मतदानमा फेल भएका सांसदलाई सचेत गराएर उनीहरूको कार्यशैलीमा भएको कमी कमजोरीबारे छलफल गरिने जनमत पार्टीका प्रवक्ता शरदसिंह यादवले बताए ।

जनमत पार्टीका चार जना प्रदेश सभा सदस्य पार्टीको आन्तरिक मूल्यांकनमा अनुत्तीर्ण भएका छन् । आफ्ना १६ प्रदेश सांसदको कार्यसम्पादन मूल्यांकनका लागि जनमत पार्टीले भदौ २ गते मतदान गराएको थियो । जसमध्ये चार जना अनुत्तीर्ण भएका हुन् ।

अनुत्तीर्ण हुनेमा सिरहाका त्रिभुवन साह र भाग्य श्री कुमारी चौधरी तथा महोत्तरीका चन्दनकुमार सिंह र अनिता कुमारी साह छन् । साहको पक्षमा २० र विपक्षमा ७८ मत खसेको थियो । चौधरीको पक्षमा २१ र विपक्षमा ७९ मत खसेको थियो । त्यस्तै, सिंहको पक्षमा १४ र विपक्षमा २८ मत खसेको थियो भने साहको पक्षमा १४ र विपक्षमा २३ मत खसेको थियो ।

पास हुनेमा जनमतका सँजय यादव, ई. बसन्त कुशवाहा, सकिल अलि मियाँ, महेश प्रसाद यादव, रँजु मण्डल खत्वे, सतिष सिँह, शम्भु साह, बबिता कुमारी ईसर, हसिना खातुन, चन्द्रकेश गुप्ता, गीता गुरुँग र सुमन रायमाझि रहेका छन् ।

प्रदेश सभा सदस्यका सम्बन्धित क्षेत्रका पालिका प्रमुख, उपप्रमुख, वडाध्यक्ष तथा यी पदका प्रत्यासीहरू मतदानमा सहभागी थिए । जिल्ला परिषद् सदस्य र सोही क्षेत्रका पार्टीका केन्द्रीय सदस्य समेत मतदानमा सहभागी थिए ।

जनमत पार्टीका प्रवक्ता शरदसिंह यादवले अनुत्तीर्ण सांसद पदमा गएको धेरै समय नभएकाले फिर्ता नबोलाउने बताए । उनीहरूलाई सचेत गराएर उनीहरूको कार्यशैलीको विषयमा भएको कमी कमजोरीबारे छलफल गर्छौ उनले भने ।

यो अभ्यासले पार्टीको मूल्यांकन पद्धतिलाई बलियो बनाएको उनले बताए । यो पक्रियाको थालनी नै ठुलो प्रयास हो एक पटक कुनै पनि गल्तीको अवसर दिइनुपर्छ, अव ति चार सांसदको कार्यशैली सुध्रिए भने पनि ठुलो उपलब्धी मानिने छ उनले थपे ।

अनुत्तीर्ण सांसद चन्दन सिंह भने प्रदेश सरकारमा श्रम तथा यातायातमन्त्री छन् । संविधानमा सांसदहरूलाई फिर्ता बोलाउने प्रावधान नराखिएको कारण पनि समस्या देखिएको तर आफ्नो पार्टीको घोषणापत्रमा भने यो विषयलाई सम्बोधन गरिएको उनले बताए ।