लोहारपट्टि नगरपालिकाका मेयरले सरकारी बजेटमा बीच रोडमै बाजेको शालिक बनाउँदै

न्यूज ब्यूरो, जनकपुरधाम । महोत्तरीको एक नगरपालिकाका प्रमुखले नगरपालिकाको रकमको दुरुपयोग गरी आफ्नो बाजेको शालिक निर्माण गर्न थालेको छ ।

महोत्तरीको लोहपट्टी नगरपालिका वडा १ हुलाकी सडक अनर्तगत पर्ने आफ्नै पैत्रिक गाउँ बगरामा सडकको बिचमा पालिका प्रमुख शैलेन्द्र यादवले आफ्नै बाजे स्वर्गीय इन्द्र्जित यादवको शालिक निमार्ण गर्दा सर्वसाधारणलाई आउजाउ गर्न कठिनाई हुन थालेको छ ।

नगरपालिकाले बहुवर्षिय योजना अन्तर्गत स्मारक निर्माण काम सुरु गरेका छ्न । आर्थिक बर्श २०७९÷०८० मा १० लाख बजेट बिनियोजन गरिएको थियो जस मध्ये २५ प्रतिशत कामको ५ लाख भुक्तानी समेत भइ सकेको छ भने यस बर्ष पनि बजेट बिनियोजन गर्ने नगरपालिकाका निमित्त प्रमुख बद्रुल अन्सारीले बताए ।

ईन्द्रजित यादवको स्मारक निर्माण गर्दा पनि इन्द्रजित यादव को हुन् भने आफुलाइ थाहै नभएको निमित प्रमुखले बताएका छ्न ।

नगरपालिकाको विकास गर्न नसकेको प्रमुखले गाउँ सौर्न्दर्यकरणको नाउँमा नगरपालिकाको पैसाको दुरुपयोग गरि सडकको मापदण्ड विपरित स्मारक निमार्ण गर्दा सर्वसाधारणले बिरोध गरेका छ्न भने दुर्घटनाको जोखिम बढेको छ ।