जानकी मन्दिरको फूलबारीमा लगाइएको तरकारीबाली नष्ट, अब फूलबारी लगाईने

न्यूज ब्यूरो, जनकपुरधाम । जानकी मन्दिरको प्राँगनमा रहेको जानकी फूलबारीमा लगाईएको करेसाबारी (तरकारीबारी) को तरकारी नष्ट गरिएको छ ।

स्थानीय युवा अगुवाहरुले मँगलबार बिहानै जानकी फूलबारीमा लगाईएको करेसाबारी नष्ट गरेका हुन् । जानकी फूलबारीमा हुनुपर्ने विभिन्न फूलको साटो महन्थले तरकारी बारी लगाएपछि चौतर्फी विरोध भएको थियो ।

आज बिहान जनकपुरका युवा अगुवा सरोज मिश्र, शुशिल कर्ण लगायत दर्जन बढी युवाहरुले सो फूलबारीमा लगाईएको करेसाबारी नष्ट गरेका छन् । करेसाबालीलाई सफाई गरी विभिन्न प्रजातीको फूल लगाईने भएको छ ।

प्राचीनकालदेखि नै जानकी फूलबारीको आफ्नो ईतिहास रहेको अवस्थामा महन्थ राम तपेश्वर दासले व्यक्तिगत स्वार्थ र एकलौटी शाषण स्वरुप जानकी फूलबारीमा तरकारीको बोटहरु लगाईदिएका थिए ।

समाजिक सँजालमा चर्को विरोध भएपछि धनुषाका प्रमुख जिल्ला अधिकारी काशिराज दाहालले आगामी शुक्रबार फूलको विरुवा रोपण कार्यक्रम राखेको बताए । सोही अनुसार मँगलबार तरकारी बोटविरुवा नष्ट गरिएको सरोज मिश्रले बताए ।