जनकपुरको सुरक्षा अस्पतालमा महिलाको मृत्यूपछि डाक्टरहरु फरार, अदालत जाँदै पीडित परिवार

न्यूज ब्यूरो, जनकपुरधाम । जनकपुरधामस्थित जनकपुर सुरक्षा अस्पतालमा एक महिलाको मृत्यु भएपछि डाक्टरहरु फरार भएका छन् । शुक्रबार अपरान्ह अस्पतालमै मृत्यू भएपछि डाक्टरहर फरार भएका हुन् ।

शुक्रबार जनकपुरधाम उपमहानगरपालिका वडा नं. १६ कपलेश्वरकी ३५ वर्षीया सोनिया साहको उपचारको क्रममा शुक्रबार मृत्यु भएको थियो।

पाठेघरमा समस्या भएपछि सोनियालाई परिवारजनले शल्यक्रिया गराउन गत बुधबार अस्पताल भर्ना गराएका थिए। तर उपचारकै क्रममा शुक्रबार उनको मृत्यु भएपछि उपचारमा संलग्न डाक्टर विरुद्ध अस्पताल अगाडि प्रदर्शन गरेका थिए।

उनको परिवारले चिकित्सकको लापरबाहीले मृत्यु भएको भन्दै अस्पताल अगाडि शव राखेर प्रदर्शन गरेपछि कार्यरत चिकित्सकहरु चोरबाटो भएर फरार भएको परिवाजनको आरोप छ ।

अस्पतालमा तालाबन्दी गरी मुचुल्का उठाइ छानबिन गर्नुपर्ने माग राख्दै मृतकका परिवारले अस्पतालमा ताल्चा लगाएपछि त्यहा डाक्टर लगायतक कर्मचारीहरु फरार भएको हो ।

जनकपुरको रामानन्द चोकमा वरिष्ठ स्त्री तथा प्रसुती रोग विशेषज्ञ डा. सरोज ठाकुरले सँचालन गर्दै आएको जनकपुर सुरक्षा अस्पताल विरुद्ध मृत्यु भएकी सोनिया साहको परिवार सुरक्षा अस्पताल विरुद्ध अदालत जाने भएका छन् ।

शनिबार अस्पताल प्रशासन र उनको परिवारबीच छलफल भएको थियो । तर, मृतकको परिवारले अदालत नै जाने निर्णय लिएको धनुषाका प्रहरी नायव उपरीक्षक ९डिएसपी० वेदप्रसाद गौतमले जनाए । मृतकको शव परिवारले बुझिसकेका छन् । प्रहरीले मुचुल्का उठाएपछि मुद्दा दर्ता गरिनेछ ।

गत बुधबार कपिलेश्वरकी सोनिया पाठेघरको शल्यक्रिया गराउन अस्पताल भर्ना भएकी थिइन् । सोनियाको शुक्रबार अस्पतालमै मृत्यु भएको थियो । उनको मृत्यु भएपछि परिवारजनले अस्पताल अगाडि शव राखेर प्रदर्शन गरेका थिए । त्यसपछि प्रशासनले अस्पतालमा तालाबन्दी गरेको थियो । सोनियाको मृत्यु भएपछि अस्पताल प्रशासनसहित चिकित्सकहरु फरार भएका थिए ।