Breaking ! कोशी ब्यारेजमै बस र ट्रकको ठक्कर, कोशीमा समायो ट्रक !

न्यूज ब्यूरो, राजविराज । मधेश प्रदेश र कोशी प्रदेशको सीमाको रुपमा रहेको कोशी नदीमा एक भारी ट्रक समाहित भएको छ । कोशीको पुलमै बस र ट्रक एक आपसमा जुध्दा ट्रक कोशीमा समाएको हो ।

खतरको रातो लाईट बलेको बेला कोशी नदीमा ट्रक खसेको हो । कोशी ब्यारेजको फाटक नम्बर ९ को अगाडी अधिक गतिको कारण बस र ट्रक एक आपसमा जुध्दा अनियन्त्रित भएर कोशी नदीमा खसेको हो ।

आज (शुक्रबार) विहान ७ः ४५ बजेको समयमा पूर्वबाट पश्चिमतर्फ जादै गरेको मे १ ख १७६५ नम्बरको बस र पश्चिमबाट पूर्वतर्फ आउँदै गरेको मे १ ख ३००७ नम्बरको ट्रक एक आपसमा ठोकिँदै सुनसरीतर्फ पर्ने कोशी ब्यारेजको ९ र १० ढोकाबाट ट्रक सप्तकोसी नदिमा खसेको स्थानीय प्रहरीले जानकारी गराएको छ ।

सप्तकोसी नदिमा खसेको ट्रकबाट ड्राइभरसहित अन्यको उद्धार गरिएको र हालसम्म कुनै मानवीय नभएपनि ट्रक पानीमा डुबेर नदेखिएको बताइएको छ । यसबारे थप उद्धार कार्य भइरहेको प्रहरीले जनाएको छ ।