धनौजीको तरही विद्यालयमा अब ८ कक्षासम्म पढाई हुने

न्यूज ब्यूरो, जनकपुरधाम । जनकपुरधाम नजिकै रहेको धनुषाको धनौजी गाउँपालिका वडा नं. ४ तरहीस्थितको आधारभूत विद्यालयमा अब ८ कक्षासम्म पढाई हुने भएको छ ।

तरहीस्थित रहेको गँगा राष्ट्रिय आधारभूत विद्यालयका प्रधानाध्यापक शिव नारायण मण्डलले विद्यालयमा कक्षा ८ सम्म अध्ययन अध्ययापनको लागि अनुमति ल्याउन सफल भएका छन् । निरन्तर दबाबपछि प्रअ मण्डलले सो विद्यालयमा ८ कक्षासम्म सँचालनको अनुमति प्राप्त गराएका हुन् ।

कक्षा ५ सम्म मात्र सँचालनमा रहेको सो विद्यालयमा आगामी कक्षा नहुँदा सो क्षेत्रका बालबालिकाहरु अन्य विद्यालयमा टाढासम्म जानुपर्ने बाध्यता थियो । अब गाउँमै कक्षा ८ सम्म सँचालन हुने भएपछि स्थानीय स्तरमै बालिबालिकाहरुले अध्ययन गर्न पाउने भएको छ ।