जनकपुरः वडाध्यक्ष यादव र वडासचिव झा कमिशन (घुस) सहित रँगेहात पक्राउ

न्यूज ब्यूरो, जनकपुरधाम । मधेश प्रदेशको राजधानी क्षेत्रस्थित एक स्थानीय तहका वडाध्यक्ष र वडासचिव घुससहित रँगेहात पक्राउ परेका छन् ।

धनुषाको नगराइन नगरपालिका वडा नम्बर २ का वडाध्यक्ष बुलन यादव र वडासचिव अमृत झा अख्तियारको फन्दामा परेका छन ।

बुधबार साँझ अख्तियारको टोलीले दुबै जनालाई ७० हजार कमिसनको रकमसहित पक्राउ गरेको छ ।

वडाध्यक्ष यादव र सचिव झाले प्रदेश सरकारको भौतिक पूर्वाधार विकास मन्त्रालयको ४० लाख रुपैयाँको योजनामा नगराइन वडा नं. २ मा सडक निर्माण सम्पन्न भएपश्चात् सिफारिशवापत उपभोक्ता समितिका अध्यक्ष रोहित चौधरीसँग ७० हजार रुपैयाँ कमिशन लिईरहेको समय अख्तियार दुरुपयोग अनुसन्धान आयोगको बर्दिबास कार्यालयबाट खटेको टोलीले पक्राउ गरेको छ ।

पक्राउ परेका दुबैजनालाई आवश्यक अनुसन्धानका लागि अख्तियारको कार्यालयमा लगिएको छ ।