बारा २ मा उपेन्द्र यादवलाई हराउन 'टीम सप्तरी' सक्रिय, माइक्रो लेभल सम्म मिलाउन ग्राण्ड डिजाइन

न्यूज ब्यूरो, बारा । आईतबार हुन लागेको उपनिर्वाचनको क्रममा बारा २ मा उपेन्द्र यादवलाई हराउन सप्तरीमा खटिएका चुनावी योजनाकारहरूको टिम सक्रिय भएको जसपा उच्च श्रोतको दाबी छ ।

सप्तरी २ मा जनमतका अध्यक्ष डा. सिके राउतसंग लज्जास्पद हार व्यहोरेका उपेन्द्र यादवलाई बारा २ मा हराउन पुन: भारत समर्थित मिशनरीहरू सक्रिय भएका छ्न ।

श्रोतका अनुसार, उपेन्द्र यादवले उपनिर्बाचनमा आफुलाई भारतको सहयोग रहेको दाबी गरि रहंदा उनलाइ भारतको कुनै पनि पक्षको सहयोग नरहेको जसपा भित्रै कानेखुसी भएको बताएका छन ।

केही दिन अगाडि उपेन्द्र यादवका समर्थकले भारतलाई चिढाउने काम सामाजिक सन्जाल मार्फत गरेको सूचना लैनचौर हुँदै दिल्ली पुगेपछि भारतले कुनै पनि हालतमा उपेन्द्र यादवलाई हराउन सबै मिशनरीलाई परिचालन गरेको जसपा श्रोतको भनाइ छ ।

यस अघि सप्तरी-२मा उपेन्द्र यादवलाई हराउन कमाण्ड सम्हालेका त्यही टिमले बारा २ मा माइक्रो लेबलमा कार्य गरि रहेको नाम उल्लेख नगर्ने शर्तमा जसपाका एक नेताले बताए । उनीहरू बीरगंजदेखि कलैयासम्मको होटलमा बसी उपेन्द्र यादव विरूद्ध घेराबन्दी गर्ने षड्यन्त्रमा सक्रिय रहेको जसपा स्रोतको दाबी छ। सो टीमले वार्ड वार्डमा उपेन्द्र विरूद्ध माहौल बनाउने र उपेन्द्रलाई भारतको कुनै समर्थन नरहेको कुरा बताउंदै छन्।

जसपा नेताका अनुसार, भारतले उपेन्द्र यादवको पार्टीमा रहेका आफ्ना सहयोगी हातहरुलाई पनि उनलाई हराउन भित्रैबाट भूमिका खेल्न निर्देशन दिएको आशंका गरिएको छ ।

यता, जसपा श्रोतले दिएको जानकारी अनुसार, भारतिय मेशिनरी सक्रिय भएपछि लोसपा गठबन्धनमा रहेता पनि जसपालाई सहयोग नगर्ने स्थिती बनेको बुझाइ छ । बाराका लोसपा नेताहरू खुलेर उपेन्द्रको विरोधमा मत माग्दै देखिन्छन। भारतीय दबाब पछि हिजो भएको आमसभामा लोसपाका तर्फबाट कुनै पनि शिर्ष नेताहरु सहभागी नभएर असहयोग गर्ने आन्तरिक सर्कुलर जारी गरेका छन ।

बाहिरी देखाबटीका जितेन्द्र सोनल लागेता पनि स्थानीय लोसपाका कार्यकर्ताले उनको कुरो सुन्ने स्थिती नभएको जसपा स्रोतले बताए । सोनललाई लोसपाका स्थानीय नेताहरूले बहिष्कार गरेको गरेको छ।

सप्तरीको चुनावमा पनि उपेन्द्र यादव हारेपछि उनका नेता कार्यकर्ताहरुले भारतलाई दोषारोपण गरेका थिए । भारतकै ग्राण्ड डिजाइनमा यादवलाई हराएको भनेर प्रचारवाजी समेत गरिएको थियो । यति सम्मकि मतगणनाको राति उपेन्द्रको हार सुनिश्चित भए पछि भारतीय टोली बसेको होटल बाहिर टायर बालेर भारतीय दूतावास मूर्दाबाद सम्मको नारा जसपाका नेता कार्यकर्ताहरूले लगाएका थिए।

जसपाका नेता कार्यकर्ताहरुले डा. सिके राउतलाई भारतको सहयोग रहेको भनेर समाजिक सँजालमा पोष्टयाउँदै आएको देखिएको छ ।

यादवका समर्थकले सामाजिक सन्जाल मार्फत भारतीय र अमेरिकी जासुसहरु बाराको होटलमा सप्तरी जस्तै उपेन्द्र यादवलाई हराउन सक्रिय भएको आश्य सहितको सामाजिक सञ्जाल मार्फत खुलासा गरेका थिए ।