जनकपुर राराब क्याम्पसका कर्मचारीहरु आन्दोलनमा

अजय पण्डित, जनकपुरधाम । जनकपुरधामस्थित रहेको राराब क्याम्पसका कर्मचारीहरु आन्दोलित भएका छन् । उनीहरुले क्याम्पस प्रमुखले मागहरु बेवास्ता गरेको भन्दै आन्दोलनमा उत्रेका छन् ।
नेपाल राष्ट्रिय कर्मचारी संगठन, नेपाल प्रजातात्रिक कर्मचारी प्रगतिशील समुह रा.रा.ब. क्पाम्पस एकाई कमिटिहरुको गत चैत्त २४ गते पेश गरिएको मागहरु क्याम्पस प्रमुखले अझै सम्बोधन नगरेको भन्दै धर्नासहितको आन्दोलन जारी राखिएको छ ।

आईतबार हातमा कालोपट्टि बाँधेर काम गरेका कर्मचारीहरुले भोली सोमबार एक घण्टा कार्यालयको कामकाज ठप्प पार्ने भएको छ । बैशाख ५ गते दुई घण्टा कार्यालयको कामकाज ठप्प पार्ने बताएको छ ।

समयमै माग पूरा नगरि यो भन्दा पनि सशक्त आन्दोलनको चेतावनी दिएको हो ।