डा. सिके राउत मभन्दा जुनियर नेता हुनः जसपा नेता यादव

न्यूज ब्यूरो, जनकपुरधाम । उपेन्द्र यादव नेतृत्वको जनता समाजवादी पार्टी (जसपा) नेपालका नेता योगेन्द्र राय यादवले जनमत पार्टीका राष्ट्रिय अध्यक्ष डा. सिके राउतलाई आफूभन्दा जुनियर नेता बताएका छन् ।

नेता रायले आफ्नो फेसबुकमा लेख्दै डा. सिके राउत आफूभन्दा जुनियर राजनीतिक रहेको बताएका छन् । डा. राउत आफूभन्दा जुनियर रहेकोले उपेन्द्र यादवसँग तुलना गर्ने हैसियत समेत नभएको उल्लेख गरेका छन् ।

“२०६२/०६३ मा उपेन्द्र यादवको नेतृत्वमा मधेश आन्दोलन हुदै गर्दा सिके राउत बिदेशमा जागिरे थिए। सिके राउत म भन्दा जुनियर राजनीतिक हुन, उपेन्द्र यादवसंग तुलना गर्ने हैसियत वहासंग छैन।”– उनले लेखेका छन् ।

ज्ञातव्य छ, डा. सिके राउत मधेशमा उदयमान भएको एक पार्टीका अध्यक्ष भने नेता रायको जसपा पार्टीका राष्ट्रिय अध्यक्ष उपेन्द्र यादवलाई चुनावमा १८ हजार बढी मतान्तरले हराएका नेता हुन् ।