गणेशमान चारनाथ नगरपालिकाको १० औँ अधिवेशन सम्पन्न

न्यूज ब्यूरो, जनकपुरधाम । धनुषाको गणेशमान चारनाथ नगरपालिकाले आफ्नो १० औँ अधिवेशन सम्पन्न गरेको छ ।

मँगलबार नगरपालिकाका नगर प्रमुख जीतनारायण यादवको अध्यक्षता एवम् नगर उपप्रमुख तुलसा कुमारी पाण्डेको प्रमुख आतिथ्यमा समारोहको आयोजना गरी १० औँ अधिवेशन सम्पन्न गरेको हो ।

अधिवेशनमा चालु आर्थिक बर्षमा भएका कामकाजहरुको समिक्षासहित आउँदो ३ महिनाभित्र हुने विकासे बजेटको बारेमा चर्चा परिचर्चा गरिएको थियो ।

नगरपालिकाका कर्मचारीहरुको समेत उपस्थितिमा भएको १० औ अधिवेशनले थप बजेटको बारेमा समेत छलफल भएको जनाइएको छ ।