जनकपुरः प्रहरी हिरासतबाटै एक थुनुवा अस्पतालको ट्वाईलेटबाटै फरार

न्यूज ब्यूरो, जनकपुरधाम । जनकपुरधामस्थितबाट एक थुनुवा फरार भएका छन् । जनकपुरको एक अस्पतालमा उपचारको लागि लगिएका कर्तव्य ज्यान मुद्दाका एक थुनुवा अस्पतालबाटै भागेका हुन् ।

जिल्ला प्रहरी कार्यालय महोत्तरीको नियन्त्रणमा रहेको कर्तव्य ज्यान मुद्दाका आरोपी कृष्णा यादव अस्पतालबाटै फरार भएका छन् ।

आरोपी यादवको खुट्टामा समस्या भएको भन्दै उनले उपचारको लागि अपिल गरेका थिए । यादवलाई उपचारकै लागि जनकपुरस्थित रहेको आर्या हस्पिटलमा लगिएकोमा फरार भएका हुन।

उपचारका लागि लगिएका यादव अस्पतालको शौचालय कक्षको झ्याल तोडेर फरार भएको जिल्ला प्रहरी कार्यालय महोत्तरीका प्रहरी नायव उपरीक्षक दिलिपकुमार गिरीले जानकारी दिएका छन्।

यादव फिल्मी शैलीमा अस्पतालको शौचालयबाट फरार भएका हुन् ।