राराब क्याम्पसमा स्वीयू चुनावमा निर्वाचित लोविसंघका विद्यार्थीहरुले पाए प्रमाण–पत्र

न्यूज ब्यूरो, जनकपुरधाम । जनकपुरको राराब क्याम्पसको स्वीयू चुनावमा निर्वाचित भएका पदाधिकारीहरुले प्रमाणपत्र पाएका छन् ।

गत चैत्त ५ गतेसम्म स्वीयू चुनावको मतगणनापछि विभिन्न पदमा निर्वाचत लोकतान्त्रिक समाजवादी पार्टी (लोसपा) नेपालका विद्यार्थी सँगठन लोकतान्त्रिक विद्यार्थी सँघका पदाधिकारीहरुले प्रमाणपत्र पाएका हुन् ।

प्रत्यक्ष तथा समानुपातिक तर्फबाट विभिन्न पदमा निर्वाचित भएका लोविसंघका विद्यार्थीहरुले विहिबार निर्वाचन आयोगबाट प्रमाणपत्र पाएका छन् । सो क्रममा सचिवमा प्रत्यक्ष निर्वाचित करन साह, समानुपाति सदस्यमा निर्वाचित गौत्तम झा, देबेन्द्र यादव, दिक्षा कर्णले प्रमाण पत्र पाएका हुन् ।

प्रमाण पत्र पाएपछि उनीहरुले राराब कलेजको पुरानो व्यवस्था र अवस्थालाई निर्मूल गर्ने प्रतिवद्धता जाहेर गरे ।