मधेश प्रदेश सरकार तलबदल, एमालेका मन्त्रीहरुको सामुहिक राजीनामा, जनमत सरकारमै

न्यूज ब्यूरो, जनकपुरधाम । मधेश प्रदेश सरकारबाट एमालेका मन्त्रीहरुले सामुहिक राजीनामा दिएका छन् । केन्द्र सरकारबाट बाहिरिएपछि प्रदेश सरकारबाट समेत पार्टीको उर्दी अनुसार राजीनामा दिएको हो ।

मधेश प्रदेशमा पहिलो पटक भएको मन्त्रीपरिषद् विस्तारको क्रममा सरकारमा सहभागी भएका एमालेका नेताहरुले मँगलबार सामुहिक राजीनामा बुझाएको हो ।

मन्त्रीहरुले प्रदेश प्रमुख (गर्भनर) हरिशंकर मिश्रलाई सामुहिक राजीनामा बुझाएको हो । राजीनामा गर्नेहरुमा भौतिक पूर्वाधार मन्त्री सरोजकुमार यादव, कानुन तथा न्याय मन्त्री सत्रुधन प्रसाद सिँह, महिला तथा बालबालिका मन्त्री जयद आलम, कानुनमन्त्री राजकुमार लेखी र गृह तथा सँचारका राज्यमन्त्री केशव रायले सामुहिक राजीनामा दिएका हुन् ।

मधेश सरकारमा जनमत पार्टी भने अझै कायम रहेका छन् ।