पँचयती गर्न गएका जसपाका सप्तरी जिल्ला अध्यक्ष यादवलाई रामधुलाई

न्यूज ब्यूरो, जनकपुरधाम । जनता समाजवादी पार्टी (जसपा) नेपालका सप्तरी जिल्ला अध्यक्ष केदार यादवलाई रामधुलाई गरिएको छ ।

कुनै गाउँको मुद्दामा पँचायती गर्न गएका यादवलाई जिल्ला प्रहरी कार्यालयका ईन्सपेक्टर नविन थापा मगरले कुटपिट गरी अनुहार फुटाइदिएका हुन् । पँचायतको क्रममा जिल्ला अध्यक्ष यादवले आवेगमा आएर प्रहरीमाथि गालीगलौच गर्न थालेपछि उनलाई प्रहरीले कुटपिट गरेको बताईएको छ ।

जिल्ला प्रहरीका ईन्सपेक्टर थापालाई अध्यक्ष यादवले थर्काउन थालेपछि उनलाई जिल्ला प्रहरी कार्यालय परिसरभित्रै कुटपिट गरिएको जनाइएको छ । कुटपिटले यादवको आँखाको छेउ अनुहारमा चोट लागेको बताइएको छ ।

त्यसको विरोधमा जसपाका कार्यकर्ताहरुले जिल्ला प्रहरी कार्यालय सप्तरीको मुल गेटमा टायर बारेल प्रर्दशनमा गरिरहेका छन् ।

यता, जानकारी अनुसार, जसपाका जिल्ला अध्यक्ष यादवले एक घटनाबारे बुझ्न मात्र जाँदा उनलाई कुटपिट गरिएको बताइएको छ । अहिले जिल्ला प्रहरीकै अवस्था तनावग्रस्त रहेको छ ।