जनकपुरः अँग्रेजीको सट्टा नेपाली विषयको प्रश्नपत्र खुलेपछि परीक्षामा ढिलाई

न्यूज ब्यूरो, जनकपुरधाम । जनकपुरधाम क्षेत्रस्थित एसईई परीक्षाको आज पहिलो पदिन अँग्रेजी विषयको साटो नेपाली विषयको प्रश्नपत्र खुलेपछि परीक्षामा ढिलाई भएको हो ।

धनुषाको एक परीक्षा केन्द्रमा अँग्रेजी विषयको साटो नेपाली विषयको प्रश्नपत्र पुगेपछि झण्डै एक घण्टा ढिलो एसईई परीक्षा सुरु भएको हो ।

धनुषाको औरही गाउँपालिका स्थित माध्यमिक विद्यालय चक्कर परीक्षा केन्द्रमा ५० मिनेट ढिलो परीक्षा सुरु भएको हो । बिहान ८ बजे सुरु हुने परीक्षा ८ बजेर ५० मिनेटमा सुरु भएको छ ।

प्राविधिक गडबडीले अंग्रेजी विषयको खाममा नेपाली विषयको प्रश्न पत्र पाइएपछि मुचुल्का गरेर ढिलो गरी पुरीक्षा सुरु गरिएको जिल्ला शिक्षा समन्वय इकाइ धनुषाका प्रमुख युक्त शर्माले जानकारी दिए ।