ईन्सपेक्टर भट्टको सर्च अपरेशनमा १४ लाख रुपैयाँसहित दुई जना पक्राउ

न्यूज ब्यूरो, जनकपुरधाम । पूर्वी धनुषाको ईलाका प्रहरी कार्यालय खजुरीका प्रहरी नीरिक्षक (ईन्सपेक्टर) राजकुमार भट्टले १४ लाख रुपैयाँसहित दुई जनालाई पक्राउ गरेका छन् ।

ईलाका प्रहरी कार्यालय खजुरीबाट ईन्सपेक्टर भट्टको कमाण्डमा गएको प्रहरी टोलीले जनकनन्दिनी गाउँपालिका वडा नं. ५ बनरझुलास्थितबाट १४ लाख रुपैयाँसहित दुई जनालाई पक्राउ गरिएको हो ।

नयाँ हाजिर भएका ईन्सपेक्टर भट्ट आए लगत्तै नेपाल–भारतको सीमा क्षेत्रमा सर्च अपरेशन चलाएका हुन् । सो क्रममा विहिबार दिउँसो सर्च अपरेशनकै क्रममा श्रोत नखुलेको १४ लाख नेपाली रुपैयाँसहित दुई जनालाई पक्राउ गरेको हो ।

प्रहरीचौकी बल्हागोठको सईको कमाण्डमा खटिएको संयुक्त चेकजाँच टोलीले जयनगरबाट जनकपुर तर्फ आउँदै गरेको प्रदेश नं. २–०२–००३ प ७०४५ नम्बर को मोटरसाईक चेकजाँच गर्ने क्रममा रकम फेला परेको हो ।

चेकजाँचको क्रममा चालक जिल्ला धनुषा धनुषाधाम नगरपालिका वडा नं. २ धनुषाधाम बस्ने अन्दाजी बर्ष ५५ को जोगिन्द्र यादवको साथबाट १० लाख र पछाडी सवार बर्ष १९ को कृष्ण साहको साथबाट ४ लाख समेत गरी जम्मा चौधा लाख रुपैयाँ बरामद भएको जिल्ला प्रहरी कार्यालय धनुषाले जनाएको छ ।

नगद रुपैया, मोसा समेत दुबै जनालाई नियन्त्रणमा थप अनुसन्धानको लागि जिल्ला प्रहरी कार्यालय धनुषा पठाइएको हो ।