माओवादी छाडेर डा. सिके राउतसँग कुशवाहा, बारा क्षेत्र नं. २ बाट लडने

न्यूज ब्यूरो, जनकपुरधाम । बारा निर्वाचन क्षेत्र नम्बर २ को लागि जनमत पार्टीबाट शिवचन्द्र कुशवाहा फिक्स भएका छन् ।

यसअघि नेकपा माओवादी (केन्द्र) बाट केही मतान्तरले निवर्तमान उपराष्ट्रपति राम सहाय प्रसाद यादवसँग पराजित भएका कुशवाहा डा. सिके राउत नेतृत्वको जनमत पार्टीमा प्रवेश गरेर बारा निर्वाचन क्षेत्र नं. २ बाटै पुनः लडने भएको छ ।

माओवादीमा अन्तरघातकै कारण आफू यादवसँग पराजित भएको बताउँदै जनमत पार्टीबाट बैशाखको उपचुनावमा भाग लिने उदघोष पनि गरेका छन् । राम सहाय प्रसाद यादवबाट ३ सय मतान्तरले मात्र पराजित भएका कुशवाहा उपचुनावको लागि बलियो भएको छ ।

बारा निर्वाचन क्षेत्र नम्बर २ मा उपेन्द्र यादव समेत उम्मेदवारी दिने तरखरमा छन् । उनी जसपमा राष्ट्रिय अध्यक्ष हुन् ।