गोलबजार क्याम्पसमा तालाबन्दी, १२ बजेदेखि परीक्षाको रुटिन, क्याम्पस चिफलाई चुनौति

न्यूज ब्यूरो, सिरहा । सिरहा जिल्लाको गोलाबजारस्थित रहेको रामप्रताप रामप्रसाद तामाङ्ग जनता क्याम्पसमा आज तालाबन्दी गरिएको छ ।

आज (मँगलबार) बिहान ७ः३० बजेको समयमा क्याम्पस प्रमुख किशोर साहको कार्यकक्षमा विद्यार्थी सँगठनहरुले ताल्चा लगाइएको हो ।

सोही क्याम्पसमा दिउँसो १२ बजेदेखि परिक्षा समेत संचालन हुने अवस्थामा बिहान क्याम्पसमा तालाबन्दी भएपछि तनाव उत्पन्न भएको छ । सो सन्दर्भमा क्याम्पस प्रमुखले परिक्षा संचालन गर्नका लागि लगाइएको ताल्चा फुटाएर पनि परिक्षा संचालन गर्ने अडान लिएका छन् ।

यता, चार दलिय विद्यार्थी गठबन्धनले आफूहरुलाई स्वीयू निर्वाचनको लागि समयमै उचीत निर्णय नदिए कडा आदोलनमा जाने चेतावनी दिएका छन्।

सो सन्दर्भमा नेपाल तरुण दलका जिल्ला सभापति अरबिन्द मण्डलले क्याम्पस प्रमुखले प्रशासनको बल प्रयोग गरे प्रतिकारको चेतावनी दिएको हो । उनले भने,– “प्रशासनको साहाराले बल प्रयोग गरिए प्रतिकार मात्र होईन, कालो मोसो समेत दल्छौ ।”

क्याम्पस प्रमुखको कार्यकाल समेत समाप्त भएको बताउँदै मण्डलले राजनीतिको पहुँचमा आफ्नो सिक्का चलाउन खोजिएको आरोप लगाइएको छ ।

क्याम्पस चिफ साह सिरहाको बिष्णुपुर कट्टिस्थित रहेको प्राथमिक विद्यालयमा शिक्षक समेत कार्यरत रही दोहोरो तलब खाँदै आएको बुझिएको छ । एउटै व्यक्तिले सरकारबाट दोहोरो तलब खाएको प्रमाणित भएमा उनले सजाय भोग्नुपर्ने छ ।

यता, क्याम्पस चिफ साहले विद्यार्थीहरुको परीक्षा १२ बजेदेखि हुने भएकोले सो अगाडी नै ताल्चा फुटाउने चुनौति दिएका छन् । अहिले ब्याचलर चौथो वर्षको अन्तिम परीक्षा चलिरहेको छ ।