श्रीमान मलेसियामै सम्पर्कविहिन भएपछि अस्पतालमा भौँतारिएकी पुनमलाई अमेरिकाबाट आर्थिक सहयोग

न्यूज ब्यूरो, जनकपुरधाम । ७ महिने बच्चालाई लिएर अस्पतालमा भौतारिरहेकी सिरहाकी पुनम कुमारी मण्डललाई अमेरिकाबाट आर्थिक सहयोग गरिएको छ ।

आईतबार न्यूज ब्यूरोका पत्रकार विनय कुमार यादव मार्फत यूएसए बस्दै आएका मिथिलेश यादवले १० हजार रुपैयाँ सहयोग गरेका छन् । बच्चाको मुटुमा प्वाल भएपछि उपचारको लागि भौँतारिएकी पुनमको पीडालाई न्यूज ब्यूरो मार्फत पत्रकार यादवले सहयोगको अपिल गरेका थिए ।

सिरहा जिल्ला सुखीपुर नगरपालिका वडा नं १ शिबनगर बस्ने देब कुमार मण्डलकी श्रीमति बालकालाई मुटुमा छेद (प्वाल) भएपछि समस्या जटिल भएको हो । सो सम्बन्धी समाचार न्यूज ब्यूरोमा प्रकाशित भएपछि जनकपुरधाम उपमहानगरपालिका वडा नम्बर १७ कटरैत स्थायी बासिन्दा तथा हाल अमेरिका बस्दै आएका मिथिलेश यादवले १० हजार रुपैयाँ उपचारको लागि पठाएका छन् ।

आईतबार दिउँसो पत्रकार यादवले सो रकम पुनमलाई अस्पतालमै पुगेर हस्तान्तरण गरेका छन् । महिनाको ४ सय पाउने बालपोषण भत्ता लिएर मात्र जनकपुर उपचारको लागि आएकी पुनमलाई अस्पतालको शुल्क सुनेपछि रोईकराई गरेकी थिइन् ।

पुनमको श्रीमान देवकुमार मण्डलले विदेशिएपछि नै टिकटोकमा पैसा उडाउँदा घरपरिवार पनि कुनै सहयोग नगरेको दुखेसो पोखिन । पुनमको माईत (नहिरा) भारतमा भएकोले केही सहयोग हुन सकेको छैन ।

बच्चालाई नेपाल सरकार दिएको अनुदान रकम ३ हजार रुपैयाँ लिएर जनकपुरधाम स्थित जानकी हेल्थ केयरमा उपचार गराउन आएकी हुन। केही कुरुवाहरुसँग सहयोग गरेर खाना खान उपाय हुन्छ । अस्पतालका डाक्टरहरुको सहयोगले उपचार हुँदैछ भने उनले सहयोगि हातहरुलाई गुहार लगाएकी हुन् ।