जनकपुरः दुई ट्रक जुध्यो, तीन जनाको मृत्यू, एक गम्भिर !

न्यूज ब्यूरो, जनकपुरधाम । मधेश प्रदेशको राजधानी जनकपुरधाम क्षेत्रभित्र सवारी दुर्घटना हुँदा तीन जनाको मृत्यू भएको छ भने एक जना घाईते भएका छन् ।

आज (शनिबार) विहान करिब ६ः४५ बजेको समयमा धनुषाको मिथिला नगरपालिका वडा नम्ब ३ लालभित्तिस्थित पूर्वपश्चिम राजमार्ग अन्तर्गत दुईवटा ट्रक एक आपसमा जुध्दा दुई चालक र एक सहचालकको मृत्यू भएको हो ।

लालभित्ती स्थितमा पुर्व–पश्चिम लोक मार्गमा पश्चिमबाट पुर्व तर्फ जादै गरेको ना ६ ख ६५७८ नम्बरको ट्रक र बिपरित दिशाबाट आउँदै गरेको प्र १–०२–००१ ख ९२९२ नम्बरको ट्रक एकआपसमा ठोक्किदाँ दुवै ट्रकका चालक र सहचालकको समेत मृत्यू भएको जिल्ला प्रहरी कार्यालय धनुषाले जनाएको छ ।

दुर्घटना भएको सुचना प्रापत हुन साथ उक्त स्थानमा ईलाका प्रहरी कार्यालय ढल्केवर लगायत अन्य नजिको प्रहरी युनिटहरूबाट तत्काल नेपाल प्रहरी, सशस्त्र प्रहरी र नेपाली सेनाको टोली खटि गई दुवै ट्रकमा सवार चालक, सह–चालकहरूको उद्धार गरि ढल्केवर अस्पतालमा पठाईएको जनाइएको छ ।

उक्त सवारी दुर्घटनामा परी ना ६ ख ६५७८ को चालक सुनसरी जिल्लाको ईनर्वा बस्ने बर्ष २८ को सागर चौधरी, सह–चालक जिल्ला सुनसरी भरौल ६ बस्ने बर्ष ३० को अर्जुन चौधरी र प्र १–०२–००१ ख ९२९२ सह–चालक जिल्ला मोरङ बेलवारी नगरपालिका वडा नम्बर ८ बस्ने बर्ष ४४ को लोकमान थापाको मृत्यू भएको हो ।

सो दुर्घटनामा ९२९२ नम्बरको ट्रकको चालक जिल्ला सर्लाहि बागमति नगरपालिका वडा नम्बर ११ बस्ने अन्दाजी बर्ष २० को नारायण श्रेष्ठको शरिरको दुबै खुट्टामा चोट लागेको हो । उनको अवस्था गम्भिर रहेको तथा ढल्केवर अस्पतालमा उपचार भई रहेको जिल्ला प्रहरी कार्यालय धनुषाले जनाएको छ ।