धनुषाको गणेशमान चारनाथ नपामा ऐलानी जग्गा नाप्न सुरु, भोगचलन गर्नेलाई लालपूर्जा दिने तयारी

न्यूज ब्यूरो, जनकपुरधाम । धनुषाको गणेशमानचारनाथ नगरपालिकास्थित ऐलानी (सार्वजनिक) जग्गाको नापचाँज सुरु भएको छ ।

नगरपालिकाको वडा नंं १ स्थित तीन तल्ले टोलमा भुमीहिन दलित अव्यवस्थित बसोबासको जग्गा नाप नक्सा गर्न कार्य आज देखि शुरूवात गरिएको हो ।

नगर उप–प्रमुख तुलसा पाण्डे पटेलको प्रमुख आतिथ्यमा नापजाँच कार्यक्रम उद्घाटन गरिएको छ । बुधबार (आज) उद्घाटन गर्दै उपमेयर पटेलले वर्षौं देखिको सपना र भोगचलन गर्नेहरुको खाँचोको कुरा अवगत गर्दै यथाशिघ्र लालपुर्जा वितरण गर्ने प्रतिवदता समेत जनाइन् ।

सो कार्यक्रममा वडा नं १ का अध्यक्ष श्याम आले,प्रमुख प्रशासकीय अधिकृत लखनदेब यादव,लेखा अधिकृत शिव नारायण साह,भुमी आयोग सेवा केन्द्रका नपा कर्मचारी राम ईश्वर यादव लगायत स्थानीयहरुको उपस्थिति रहेको थियो ।