जनकपुरको राराब क्याम्पसमा लोविसंघबाट सचिवसहित दुई सदस्य निर्वाचित

न्यूज ब्यूरो, जनकपुरधाम । जनकपुरको रा.रा.ब. क्याम्पसमा स्वीयू चुनावमा लोकतान्त्रिक विद्यार्थी संघबाट सचिवमा करण साह निर्वाचित भएका छन् ।

रा.रा.ब. मा गत ५ गते भएको स्वीयू चुनावमा नेपाल विद्यार्थी संघले सभापतिसहित अन्य पदहरुमा प्यानल नै हात पारेका हुन् भने सचिव पदमा प्रत्यक्ष तर्फ नै लोविसंघले कब्जा जमाउन सफल भए ।

लोविसंघबाट सचिव पदमा उम्मेदवारी दिएका करण साहसहित समानुपातिक तर्फ समेत दुई सदस्य निर्वाचित भएका हुन् । समानुपातिक तर्फ गौत्तम झा र देबिन्द्र कुमार यादव निर्वाचित भएका छन् ।

स्वीयू चुनावमा पहिलो पटक भाग लिएका लोविसंघ राराब क्याम्पसमा उपबिजेता बने । उतै, पाँच दलिय गठबन्धनले लज्जास्पद हार बेहोर्नु परेको हो ।