जनकपुरः जाडोमा नगरवासी कठयाँग्रिए, गर्मीमा न्यानो सिरक बाँडदै वडाध्यक्ष साह

न्यूज ब्यूरो, जनकपुरधाम । शितलहरमा जसोतसो गुजारा गरेका धनुषाको नगराईन नगरवासीलाई गर्मी आएपछि सिरक वितरण गर्न थालिएको छ । 

धनुषाको दक्षिणी सीमावर्ती स्थानीय तह नगराईन नगरपालिकाले जाडो समाप्त भएर गर्मी सुरु भएपछि न्यानो सिरक वितरण सुरु गरेको छ । 

नगराईन नगरपालिका वडा नम्बर ७ का वडाध्यक्ष सूर्यनारायण साहले शुक्रबार एक कार्यक्रमबीच न्यानो सिरक बाँडेको तस्विरहरु समाजिक सँजालमा देखिएपछि टिकाटिप्पणी गरिएको छ ।

शुक्रबार नगराईन नगरपालिकाको वडा नम्बर ७ देवडिहास्थित वडाध्यक्ष साहले समाकिज सुरक्षा भत्ता पाउने वृद्धवृद्धाहरुलाई उल्लेख गर्दै न्यानो सिरक वितरण गरेको हो । 

यसअिघ जाडो र शितलहरमा प्रभावित भएको बेला न्यानो सिरक नदिएका वडाध्यक्ष साहले गर्मीमा सिरक बाँडन थालेपछि उनको नैतिकतासहित कार्यशैलीमाथि पनि प्रश्न उठाइएको छ ।