बार्गेनिङग गरी समाप्त पारिएका चुरे आन्दोलन पुनः तीव्र, चक्काजामदेखि तालाबन्दीसम्मको चेतावनी

न्यूज ब्यूरो, जनकपुरधाम । करिब १८ महिना अगाडी चुरे आन्दोलनलाई भँजाएर खाएका केही कथित अभियन्ताको कारण भूमिहिनहरुलाई पुनः आन्दोलन गर्न बाध्य बनाएको छ ।

तत्कालिन भौतिक पूर्वाधार तथा यातायात मन्त्री रामसरोज यादवसँग चुरे अभियानीहरुले थालेको आन्दोलनलाई बार्गेनिङग गरी समाप्त पारिएपनि असल अभियन्ताहरुले पुनः आन्दोलन चर्काएका हुन् ।

विगत १६ दिन देखि शान्तिपूर्ण धर्नामा बसेका चुरे तथा वन जंगल संरक्षण अभियानका अभियानी तथा भूमिहीन सुकुम्बासीहरु आजदेखि आक्रामक तवरले सरकारको विरोध गर्ने जनाएका छन ।

विभिन्न मांग राखी शान्तिपूर्ण धर्नामा बस्दै आएका अभियानी तथा भूमिहीनहरुको वास्ता सरकारले नगरेको भन्दै भोली देखि नारा जुलुस, चक्काजाम, तालाबन्दी लगायत बिरोध प्रदर्शन गर्ने अभियानका राष्ट्रिय संयोजक सुनिल यादवले बताए । उनले सरोकारबालाहरुलाई शान्तिपूर्ण तरिकाले बुझाउन खोज्दा कुनै वास्ता नगरेको गुनासो पोखे ।

अभियानीहरुले अवैध क्रसर उद्योगहरु बन्द गरी चुरे संरक्षण गर्नुपर्ने, भूमिहीनलाई यथाशीघ्र जग्गा उपलब्ध गराउनुपर्ने र एलानी जग्गामा बसोवास गर्दै आएकाको जग्गाको लालपूर्जा बनाउनुपर्नेलगायतका माग अघि सार्दै लामो समयदेखि मधेस प्रदेशका आठवटै जिल्लामा धर्ना, जुलुस तथा बिरोध प्रर्दशन गर्दै आएका छन ।

करिब १८ महिनाअघि जनकचोकै भएको अनसन र आन्दोलनलाई तत्कालिन मन्त्रीसँग सस्तो लोकप्रियताको लागि चुरे आन्दोलनबाट आफूलाई अभियन्ता भन्ने एक जनाले मन्त्रीसँग आन्दोलनको बार्गेनिङग गरेको बुझिएको छ । ७ बुँदे सहमति कागजमा गरिएपनि निश्चित समयमा पूरा नहुँदा उनीहरुले पुनः कुनै चासो देखाएका थिएनन् ।