Breaking ! देशको नयाँ राष्ट्रपतिमा नेपाली काँग्रेसका 'रामचन्द्र पौडेल' निर्वाचित

न्यूज ब्यूरो, जनकपुरधाम । नयाँ राष्ट्रपतिको निर्वाचनमा देशको नयाँ राष्ट्रपतिको रुपमा निर्वाचित भएका छन् ।

बिहीबार भएको तेस्रो राष्ट्रपतिको लागि मतदानको मतपरिणाम अनुसार नेपाली काँग्रेसका रामचन्द्र पौडेलले २१४ संघीय सांसद र ३५२ प्रदेश सांसदको मत पाएका हुन् । यता, एमालेका साथ पाएका उम्मेदवार सुभाष नेम्वाङगले ९६ संघीय सांसद र १६२ प्रदेश सांसदको मत पाएपछि पराजित भएका हुन् ।

बिहान १० देखि सुरु भएको मतदान दिउँसो ३ बजेसम्म सकिएको थियो । दिउँसो ४ बजेदेखि सुरु भएको मतगणनाको मतपरिणाम अनुसार पौडेलले मतभार अनुसार कुल ३३ हजार ८०२ मत र नेम्वाङगले १५ हजार ८१५ मत प्राप्त गरेको जनाइएको छ । आज नै राष्ट्रपति निर्वाचनको प्रमाणपत्र प्रदान गरिने तयारी रहेको निर्वाचन आयोगले जनाएको छ ।

मतदानमा ३१३ सङ्घीय सांसद र ५१८ गरी ८३१ जनाले मतदान गरेका थिए । संघीय संसदका ३३४ जनामध्ये ३१३ जनाले मतदान गरेका थिए भने प्रदेशसभाका ५५० जनामध्ये ५१८ जना गरी कुल ८३१ मत खसेको थियो ।

पूर्व सभामुखसमेत रहेका पौडेल कांग्रेससहित नेकपा (माओवादी केन्द्र), नेकपा (एकीकृत समाजवादी), जनता समाजवादी पार्टी नेपाल, लोकतान्त्रिक समाजवादी पार्टी नेपाल, जनमत पार्टी, नागरिक उन्मुक्ति पार्टी, राष्ट्रिय जनमोर्चा र नेपाल समाजवादी पार्टीको साझा उम्मेदवार हुन् । अर्का पूर्व सभामुख नेम्वाङलाई एमालेको साथ रहेको थियो ।

राष्ट्रपति निर्वाचनमा सङ्घीय संसद्तर्फ तीन सय ३२ र प्रदेशसभा सदस्य पाँच सय ५० गरी कूल आठ सय ८२ मतदाता रहेका थिए । सङ्घीय सांसदको मतभार ७९ र प्रदेशसभा सदस्यको मतभार ४८ छ ।

पौडेललाई नेपाली कांग्रेस, नेकपा माओवादी केन्द्र, जनता समाजवादी पार्टी, नेकपा एकीकृत समाजवादी, राष्ट्रिय स्वतन्त्र पार्टी, जनमत पार्टी, नागरिक उन्मुक्ति पार्टी, राष्ट्रिय जनमोर्चाको मत पाए ।

देशले नयाँ राष्ट्रपति पाएपछि विभिन्न माध्यमबाट बधाई समेत ज्ञापन गरिएको छ ।