मधेश प्रदेशः सालीसँग होली खेलेपछि ग्याँग फाईट, दर्जनबढी घाईते

न्यूज ब्यूरो, सप्तरी । मधेश प्रदेशको सप्तरीस्थित सालीसँग होली खेल्ने क्रममा दुई पक्षबीच ग्याँग फाईट भएको छ ।

आफ्नै सालीसँग होली मनाउन गएका एक युवकलाई सो टोलको युवकहरुले कुटपिट गरेपछि ग्याँग फाईट भएको प्रहरीले जनाएको छ ।

मंगलबार सप्तरीको महादेवा गाउँपालिका ४ मनियार परसाही टोलमा सोही पालिकाको वडा नम्बर १ चिम्टी बस्ने २५ वर्षीय योगेन्द्र सरदारले आफ्नो ससुरालिमा सालिलाई घर बाहिर रङ लगाउँदा गाउँको युवकहरुले कुटपिट गरेका थिए ।

गाउँका युवकहरूले कुटपिट गरेपछि कुटाई खाएका भिनाजुले फोन गरेर आफ्नो गाउँका करिब दर्जनौ साथिहरुलाई बोलाउँदा दुई पक्षबीच ग्याँग फाईट भएको सप्तरीका प्रहरी प्रवक्ता प्रहरी नायव उपरीक्षक नरेशकुमार सिंहले जानकारी दिए ।

दुई पक्षबीच भएको सामुहिक झगडामा घाइते भएकाहरुको स्थानीय क्लिनीकमा उपचार भएको तथा कुटपिटमा संलग्न २ जनालाई पक्राउ गरिएको प्रवक्ता सिंहले बताए ।

उक्त घटनामा संग्लान रहेको फरार भएकाहरुको खोजी भइरहेको जिल्ला प्रहरी कार्यालय सप्तरीले जानकारी दिए ।