जनकपुरः होली पर्वको दिन २९० मोसासहित १७ जना पक्राउ

न्यूज ब्यूरो, जनकपुरधाम । धनुषामा होली पर्वको दिन उच्छृँगल गतिविधि गरेको आरोपमा २ सय ९० वटा मोटरसाईकलसहित १७ जना मानिसलाई कारवाही गरिएको हो ।

बुधबार होली पर्वमा ट्राफिक नियम भन्दा विपरीत गतिविधि गर्ने २ सय ९० वटा सवारी साधन र १७ जना मानिस नियन्त्रणमा लिएर कारवाही गरेको जिल्ला प्रहरी कार्यालय धनुषाले जनाएको छ ।

होली पर्व २०७९ लाई शान्ति पूर्ण वातावरणमा सम्पन्न गर्नको लागि तयार पारिएको बिशेष सुरक्षा योजना अनुसार धनुषा जिल्ला भरी प्रहरी परिचालन गरिएको प्रहरीले उच्छृँगल गतिविधि गर्नेहरुमाथि कारवाही गरेको हो ।

शान्तिपूर्ण रुपले होली पर्वको सुरक्षा व्यवस्थापन गरिएको साथै होली पर्वलाई मर्यादित तथा सुरक्षित बनाउनलाई मादक पदार्थ सेवन, बिना हेल्मेट र क्षमता भन्दा बढी मानिस सवार भएको २ सय ९० वटा मोटसाईकलसहित १७ जना मानिसहरुलाई नियन्त्रणमा लिई ट्राफिक जरिवानाको साथै ट्राफिक नियम सम्बन्धित प्रशिक्षण प्रदान गरी छाडिएको बताइएको छ ।