सिरहा: बोयफ्रेण्डसँग घुम्न गएकी किशोरीमाथि सामुहिक बलात्कार, रक्ताम्य अवस्थामा देखिएपछि...

न्यूज ब्यूरो, सिरहा । सिरहास्थित रहेको मिर्चैया हिलपार्कमा एक किशोरीमाथि सामुहिक बलात्कार भएको घटना बाहिरिएको छ ।

आईतबार साँझ मिर्चैयास्थित रहेको मिर्चैया हिलपार्कमा केटासाथी (बोयफ्रेण्ड) सँग घुम्न गएकी एक किशोरीमाथि सामुहिक बलात्कार भएको किशोरीलाई उदृत गर्दै स्थानीय एक पसलले जानकारी दिएको छ ।

पीडित भनिएकी किशोरीले दिएको प्रारम्भिक बयान अनुसार, केटासाथीसँग घुम्न गएकी उनलाई सोही हिलपार्कमा घुम्न गएका अन्य २÷३ जना पुरुषहरुले उनलाई सामुहिक बलात्कार गरेको हो ।

अर्धनग्न अवस्थामा रहेकी सो किशोरीले सर्ट लगाएको, सर्टमा माटो फोहोर लागेको तथा तलको केही नलगाएको अवस्थामा अर्धचेत अवस्थामा देखिएको थियो । उनको यौनाँग रक्ताम्य अवस्थामा देखिएको सोही स्थानमा पसल थापेकी एक महिलाले बताइन् ।

उनलाई अर्धनग्न अवस्थामा देखिएपछि पसलबाली महिलाले आफ्नो छोरीले ओढने सलले दिएको बताएकी हुन् । माथि पहाडबाट तल विस्तारै बिस्तारै झरिरहेको अवस्था पसलेले देखेपछि उनलाई पानी खुवाएको थियो । उनको पैतालासम्म रगत बगेको देखिएपछि महिलाले नै पुछेर पठाएको थियो ।

महिलाले दिएको बयानको आधारमा किशोरीलाई एक सैनिक जवान र अन्य एक जना मिलेर बलात्कार गरेको हो । यद्यपी, किशोरीले प्रतिष्ठाको डरले प्रहरीमा गएनन भने उनीसँग घुम्न गएका उनका बोयफ्रेण्ड भागेको पनि बताइएको छ ।

किशोरीको बोयफ्रेण्डलाई आरोपित भनिएको सैनिक जवान र एक अन्य पुरुषले मार्ने धम्की दिएपछि छाडेर भाग्दा आफूलाई झाडीमा लगेर सामुहिक बलात्कार गरेको बताएको बताइएको छ । पुरुषको हुलिया अनुसार कालो रँग, मोटो देखिएको बताएकी थिइन् । जानकारी अनुसार, सोही ठाउँमा होटेल खोलेका एक युवक रहेको बताईएपनि पुष्टि भने भएको छैनन् ।

पीडित अझै प्रहरीको सम्पर्कमा नआएको बताईएको छ । ईलाका प्रहरी कार्यालय मिर्चैयाले पीडित भनिएपनि अहिलेसम्म कोही कुनै गुनासो वा उजुरी लिएर नआएको बताउँदै घटनाको बारेमा सुनिएपनि अपुष्ट रहेको बताए ।

सो घटनाको बारेमा विहानैदेखि अनुसन्धानमा लागेको मिर्चैया प्रहरीले जनाएको छ । किशोरीलाई सामुहिक बलात्कारपछि उनी बेहोस भएको र केही बेरमा होस आएपछि आफू पहाडबाट तल झरेको बताएको किशोरीको प्रत्यदर्शी महिलाले बताएकी हुन् ।