मालपोत कार्यालय जनकपुरबाट एक दलाल पक्राउ

न्यूज ब्यूरो, जनकपुरधाम । जनकपुरधामस्थित मालपोत कार्यालय धनुषाबाट एक दलाल (विचौलिया) लाई प्रहरीले पक्राउ गरेको छ ।

जिल्ला प्रहरी कार्यालय धनुषाबाट गएको प्रहरीले मालपोत कार्यालय धनुषामा सेवाग्राहीलाई हैरान पार्ने बिचौलियालाई पक्राउ गरेको हो । सोमबार (आज) प्रदीप प्रसाद पासवानलाई प्रहरीले पक्राउ गरेको हो ।

मालपोत कार्यलायमा बिचौलियाको काम काज हुँदैछ भन्ने विशेष सुचनाको अधारमा प्रहरी सहायक नीरिक्षकको कमाण्डमा खटिएको विशेष अनुसन्धान टोलीले अन्दाजी बर्ष ४६ को प्रदिप प्रसाद पासवानलाई पक्राउ गरेको हो ।

पासवानले मालपोत कार्यालयमा आउने सेवाग्राहीहरू संग छिटो काम गराई दिन्छु भनि रूपैयाको वार्गेनिङ गरि रहेको अवस्थामा नियन्त्रणमा लिई थप अनुसन्धानको लागि जिल्ला प्रहरी कार्यालय धनुषामा राखिएको हो ।