जिल्ला प्रहरी कार्यालयकै अगाडी छाडा ओरकेष्ट्रा, निन्द्रामा धनुषाका प्रशासन

न्युज ब्यूरो, जनकपुरधाम । जिल्ला प्रहरी कार्यालय धनुषाकै अगाडीमा विगत एक सातादेखि साँस्कृतिक कार्यक्रमको नाममा छाडा ओरकेष्ट्रा नचाइरहेको पाइएको छ ।

जनकपुरधाम उद्योग वाणिज्य सँघले व्यापार मेलाको नाममा दैनिक छाडा गीतहरुमा नृत्य गर्ने महिला नर्तकीहरुलाई बोलाएर छाडा ओरकेष्ट्रा गराउन लागेपछि धनुषा प्रहरी प्रमुख अनभिज्ञ छन् ।

जिल्ला प्रहरी कार्यालय धनुषाको मात्र १० मिटर अगाडी सामुन्नेमै आयोजना गरिएको व्यापार मेलामा आयोजित कथित साँस्कृति कार्यक्रमको नाममा छाडा ओकेष्ट्रा नचाउन थालेपनि प्रहरी भने अनभिज्ञता जनाएका छन् ।

जिल्ला प्रहरी कार्यालय धनुषाका प्रहरी प्रवक्ता डिएसपी वेद प्रसाद गौत्तमले छाडा ओरकेष्ट्रा नचाउनको लागि जिल्ला प्रहरीबाट कुनै अनुमति नदिएको प्रष्टयाए । उनले साँस्कृति कार्यक्रम मात्र गर्नको लागि अनुमति दिएको स्वीकारे ।

यता, धनुषाका प्रमुख जिल्ला अधिकारी (सिडिओ) काशिराज दाहालले धेरै ठाउँबाट आफूलाई समेत छाडा ओरकेष्ट्राको बारेमा गुनासो आएको बताउँदै आज अनुगमन गर्ने बताए । साँस्कृतिक कार्यक्रमको नाममा व्यापार संघले छाडा नृत्य, गीतहरुमा नाच गर्न लगाएको गुनासो आएको सिडिओ दाहालले बताए ।

उनले भने, –“व्यापार सँघले आयोजना गरेको व्यापार मेलामा साँस्कृतिक कार्यक्रमको नाममा छाडा गीतहरु बजाएको, नृत्य गराएको गुनासो बाहिरबाट आएको छ । आज सो कार्यक्रमको अवलोकन नीरिक्षण, अनुगमन सबै हुनेछ । साँस्कृतिक कार्यक्रमको नाममा त्यस्तो गतिविधि गरेको पाइए ठाउँको ठाउँ कारवाही गर्नेछु ।”

जनकपुरधाम उद्योग वाणिज्य सँघले टिकटोकमा छाडा बोल्ने, छाडा नाच्ने, ओरकेष्ट्रा नाच्ने नर्तकीहरुलाई आज बोलाएको छ । जनकपुर जस्तो धार्मिक नगरीमा मिथिला मधेश जस्तो ठाउँमा अश्लिल नाच्ने महिला नर्तकीहरुलाई बोलाएर चमरी बेचेर दमरी निकालेको आरोप पनि लगाइएको छ ।

साँस्कृति कार्यक्रमको नाममा छाडा नाचेको भिडियो प्रमाणहरु सुरक्षित छ ।