फेरी कार्टुनमा छोरी फालेर युवायुवति फरार

न्यूज ब्यूरो, सुनसरी । सुनसरीमा एउटा घटना सेलाउन नपाउदै पुनः अर्को घटना भएको छ । हरिनगर गाउँपालिका वडा नम्बर ४ हरिनगरा बजार देखि पुर्व जाने बाटोमा फेरि बाँस घारी अर्को नवजात शिशु (छोरी) मृत फालिएको अवस्थामा फेला परेको हो ।

यसअघि हरिनगर गाउँपालिकाको छिमेकी पालिका भोक्राहा नरसिंह गाउँपालिका वडा नम्बर ७ हुलाकी राजमार्ग छेउमा नवजात शिशु जिउँदो अवस्थामा फेला परेको थियोे भने आज फेरि मृत अवस्थामा अर्को नवजात शिशु फेला परेको जिल्ला प्रहरी कार्यालय सुनसरीले जनाएको छ ।

यता, प्रहरीका अनुसार यसअघि फेला परेको बच्चाको बारे थप अनुशान्धान जारी रहेको भएपनि फेरि अर्को घटना दोहोरिएको जिल्ला प्रहरी कार्यालय सुनसरीका प्रहरी नायव उपरीक्षक राजकुमार राइले जानकारी दिए ।

दुईदिन नबित्दै हरिनगर गाउँपालिका वडा नम्बर ४ हरिनगरा बजार देखि पुर्व गल्ली बाटोमा बाँस घारीमै पुनः अर्को नवजात शिशु बेवारिसे अवस्थामा मृत फेला परेको हो ।

नवजात शिशुलाई कसले बाँस घारीमा छाड्यो त्यस्को विषयमा खोजी भइरहेको जिल्ला प्रहरी कार्यालय सुनसरीका प्रवक्ता डिएसपी राजकुमार राईले बताए ।
प्रहरीले नवजात अवैध सम्बन्धका कारण जन्मिएर बेवारिसे अवस्थामा छाडिएको आशङ्का गरिएको छ ।