'भारतीय' भान्जालाई नेपाली नागरिकता बनाएको आरोपमा वडाध्यक्ष झासहित तीन पक्राउ

न्यूज ब्यूरो, जनकपुरधाम । भारतीय नागरिकलाई नागरिकता बनाएको आरोपमा एक वडाध्यक्षसहित तीन जनालाई प्रहरीले पक्राउ गरेको छ ।

महोत्तरी जिल्लाको मनरासिस्वा नगरपालिका वडा नम्बर ९ का वडाध्यक्ष शशिभुषण झाले आफ्नो भारतीय भान्जालाई नागरिकता बनाएको आरोपमा पक्राउ परेका छन् ।

भारतीय नागरिक रहेको वडाध्यक्ष झाका भान्जालाई वडा नम्बर ९ बाट सिफारिस गरेर नेपाली नागरिकता बनाएको उजुरीपछि प्रहरीले अनुसन्धानको लागि पक्राउ गरेको हो ।

जिल्ला प्रहरी कार्यालय महोत्तरीको अनुसार, वडाध्यक्ष झासहित अन्य दुई जनालाई पक्राउ गरिएको हो । पक्राउ पर्नेहरुमा वडाध्यक्षसहित नागरिकता बनाएका उनका भान्जा र अन्य एक जना रहेका छन् ।

भारतीय नागरिक आफ्नो नातेदारलाइ कीर्ते कागजात उपलब्ध गराई नेपाली नागरिकताकोलागि सिफारिश गरेको कारण वडा अध्यक्ष झा सहित अन्य दुइ व्यक्तिलाइ महोत्तरी प्रहरीले पक्राउ गरेको बताइएको हो ।

जानकारी अनुसार, वडाध्यक्ष झाका भान्जा भारतको सितामढीका बासिन्दा हुन् । प्रहरीले तीन जनालाई पक्राउ गरी अनुसन्धान प्रक्रिया अगाडी बढाएको छ ।