माओवादी पनि मधेश सरकारमा सहभागी, मन्त्री र राज्यमन्त्री लिए सपथ

न्यूज ब्यूरो, जनकपुरधाम । मधेश प्रदेश सरकारमा नेकपा (माओवादी केन्द्र) सहभागी भएको छ । मंगलवार माओवादीबाट एक मन्त्री र एक राज्यमन्त्रीले शपथ ग्रहण गरेका छन् ।

धनुषाकी सुनिता यादव उद्योग वन तथ पर्यटन मन्त्री र पर्साका रहबर अंशारी राज्यमन्त्रीको शपथ ग्रहण गरेका छन् । यादवलाई प्रदेश प्रमुख हरिशंकर मिश्र र अन्सारीलाई मुख्यमन्त्री सरोजकुमार यादव पद तथा गोपनीयताको शपथ ग्रहण गराएका छन् ।

मन्त्री बनेकी सुनिता सहिद रामवृक्ष यादवकी छोरी हुन् । मधेस प्रदेशमा दश वटा मन्त्रालय छ । जसमध्ये ९ मन्त्रालयको बाँडफाट भइसकेको छ । जसपाले सरकारको नेतृत्व गरिरहेको छ ।

मुख्यमन्त्रीसहित जसपाले तीन मन्त्री, एक राज्यमन्त्री, नेकपा एमाले चार मन्त्री, एक राज्यमन्त्री, जनमत पार्टी दुई मन्त्री, एक राज्यमन्त्रीको जिम्मेवारी लिएर सरकारमा सहभागि छन् ।