सिरहाको सीमा नाका र बजारमा कडाई गरेपछि बिचौलियाहरुलाई सास्ती भयोः एसपी तिमिल्सिना

न्यूज ब्यूरो, सिरहा । सिरहाका प्रहरी प्रमुख (एसपी) अर्जुन प्रसाद तिम्लिसिनाले सिरहाको सीमा नाका र बजार क्षेत्रमा कडाई गरेपछि बिचौलियाहरुलाई सास्ती भएको बताएका छन् ।

एसपी तिम्लिसिनाले सिरहासँग रहेको सीमानाकामा थप प्रहरी परिचालन गरी रातराती गस्ती बढाएको बताए । उनले सिरहाको माडरसँगै रहेको नेपाल–भारत सीमासहित अन्य सीमानाकामा समेत कडाई गरेपछि बिचौलियाहरु तिलमिलाएको दाबी गरे ।

उनले भारतबाट भन्सार छलीको समानहरु ल्याएर सिरहा लगायत अन्य बजारमा समेत बेच्ने गरेको व्यापाक जनगुनासोपछि बजार क्षेत्रहरुमा समेत अनुगमनसहित गस्ती बढाएको बताए ।

सिरहामा उपभोक्ताहरुलाई समेत एसपी तिम्लिसिनाको ठाडो आदेशमा प्रहरी कर्मचारीहरुले सास्ती दिने गरेको भनेर विभिन्न सँचारमाध्यममा समाचार आएको सन्दर्भमा उनले त्यस्तो केही नभएको बताउँदै सीमाको कडाईले भन्सार छली गर्ने व्यापारीहरुलाई सास्ती भएपछि मिडियामा मिथ्या कुराहरु लेख्न लगाएको बताए ।

आम उपभोक्ताहरुलाई समेत एसपी तिम्लिसिनाले दुःख दिन थालेको आरोप लगोपछि उनले चेकजाँच, जाँचबुझ, भन्सार छलीको समान रहेको वा नरहेको, थोक समानको बिल रहेको वा नरहेको भनेर यकिन गर्न सोधपुछ गर्दा व्यापारीहरुले आफूमाथि निशाना साध्न खोजेको बताए ।

उपभोक्ताहरुलाई भोज भतेर, बिहेबारीको सरसमानको लागि समेत प्रहरीले सोधपुछ, पक्राउ गर्ने गरेको सन्दर्भमा उनले भारतबाट ल्याउने समानमा निश्चय भन्सार दिनुपर्ने प्रावधानमा स्थानीय जनप्रतिनीधिको सिफारिस नभएको, सिफारिसभन्दा पाँच गुणा अधिक समान ल्याउने गर्दा शंका लागेर जाँचबुझ गर्ने गरेको स्वीकारे ।

उपभोक्ताहरुले नेपालमै किनेको समानमा समेत प्रहरीले कडाई गरेको गुनासो बढेको जिज्ञासामा एसपी तिम्लिसिनाले समान जहाँबाट ल्याएपनि शँका लागे चेकजाँच गर्नुपर्ने प्रहरीको डयुटी रहेको बताए । उनले वैद्य समानहरु पाइए कुनै प्रकारको थप सोधपुछ नगर्ने गरेको सुनाए ।

एसपी तिम्लिसिनाले घरायसी प्रयोजनको लागि गरिब, दुखितहरुले ल्याउने केही समानको लागि प्रहरीले सहजकर्ता बनेपनि थोक र अधिक समान ल्याउनेले भन्सार बुझाउनुपर्ने हुन्छ । भन्सार छली गरी, चोरीलुकी अन्य बाटोबाट समानहरु भित्रयाएको गोप्य सूचनाको आधारमा गस्ती बढाएर कडाई मात्र गरिएको उनले बताए ।

बजार क्षेत्रमा समेत भन्सार छलीको समान पक्राउ गर्न थालेपछि बिचौलिया, तस्करहरुलाई सास्ती भएको उनले बताए । उनले घरायसी प्रयोजको समानमा कुनै प्रकारको रोकाबट नगरेको बताए ।

यता, एसपी तिम्लिसिनाको आदेशमा प्रहरीले आम सर्वसाधारणहरुलाई समेत सास्ती भोग्नुपरेको आरोप समेत लगाइएको छ । उपभोक्ताहरुलाई प्रहरीले दुःख दिन थालेको आरोप पनि लगाइएको छ ।