प्रहरी हिरासत फोडेर भागेका ६ थुनुवामध्ये ३ पक्राउ, ३ अझै फरार

न्यूज ब्यूरो, जनकपुरधाम । धनुषाको ईलाका प्रहरी कार्यालय महेन्द्रनगरबाट प्रहरीको हिरासत फोडेर भागेका ६ थुनुवामध्ये तीन जनालाई प्रहरीले पक्राउ गरेको छ ।

आईतबार विहान करिब ३ः३० बजेको समयमा ईलाका प्रहरी महेन्द्रनगरेको हिरासतको पर्खाल फोडेर भागेका ६ थुनुवामध्ये हातहतियार खरखाजाना एक, कुटपिटका एक र सार्वजनिक शान्ति सुरक्षा मुद्दाका थुनुवा पक्राउ परेका छन् ।

बुधबार विहानसम्म तीन जनालाई पक्राउ गरी जिल्ला प्रहरी कार्यालय धनुषा ल्याएको हो । आज विहिान बर्ष २५ को हरदिप सिँहलाई पक्राउ गरिएको हो । व्यापक सर्च अपरेसनपछि तीन दिनमा तीन जनालाई पक्राउ गरिएको हो ।

मँगलबार फरार थुनुवाहरूमध्ये सार्वजनिक शान्ति विरुद्धको अपराध मुद्दा शिर्षकको थुनुवा जिल्ला धनुषा क्षीनपा २ बस्ने वर्ष २५ को अमित मण्डललाई पक्राउ गरेको थियो ।