राती फरार भएका ६ थुनुवामध्ये एक जना पक्राउ, पाँच जना अझै फरार

न्यूज ब्यूरो, जनकपुरधाम । गएराती प्रहरीको हिरासत तोडेर फरार भएका ६ जना थुनुवाहरुमध्ये एक जना पक्राउ परेको छ ।

धनुषाको ईलाका प्रहरी कार्यालय महेन्द्रनगरबाट गएराती पर्खाल फोडेर भागेका ६ जना थुनुवामध्ये हातहतियार खरखजाना मुद्दाका २८ बर्षिय रोशन महतो आजै पक्राउ परेका हुन् ।

६ जना थुनुवा फरार भएपछि जिल्ला प्रहरी कार्यालय धनुषाले व्यापक सर्च अपरेशन गरी साँझ ६ बजे महतोलाई पक्राउ गर्न सफल भएको हो ।

प्रदेश प्रहरी कार्यालय, जिल्ला प्रहरी कार्यालय र ईलाका प्रहरी कार्यालयको सँयुक्त टोलीले महतोलाई पक्राउ गरी पुनः ईलाका प्रहरी कार्यालय महेन्द्रनगरमा ल्याएको हो । बाँकीका ५ जना अझै फरार रहेका छन् ।