जनकपुरः सरस्वति पूजामा मातेका युवकले महिलालाई दिए ठक्कर, चालकको अवस्था गम्भिर

न्यूज ब्यूरो, जनकपुरधाम । धनुषामा सरस्वति पूजाको दिन एक महिलालाई मोटरसाईकलले ठक्कर दिएपछि गम्भिर घाईते भएको छ ।

धनुषा जिल्लाको सबैला नगरपालिका वडा नम्बर ६ गोविन्दपुरस्थित सरस्वति पूजामा मातेका एक युवकले तीव्र गतिमा चलाएको मोटरसाईकलले ठक्कर दिँदा महिलाको खुट्टा भाँचिएको छ ।

गोविन्दपुरस्थित बा ६१ प ३६३३ नम्बरको मोटरसाईकलले पैदल यात्री महिलालाई ठक्कर दिएपछि उनको खुट्टा भाँचिएको हो । गोबिन्दपुर बस्ने समतोलिया देवी रायलाई सो मोटरसाईकल चालक दिपक कुमार रायले ठक्कर दिएका थिए ।

सरस्वति पूजामा तीव्र गतिले रायले चलाएको मोटरसाईकल अनियन्त्रित भएर समतोलिया देवीलाई ठक्कर दिएको ईलाका प्रहरी कार्यालय सबैलाका प्रहरी नीरिक्षक (ईन्सपेक्टर) रामकृष्ण देवकोटाले जानकारी दिए ।

महिला र चालकको समेत टाउकोमा चोट लागेको छ । उनीहरुको उपचार प्रादेशिक अस्पताल जनकपुरमा भईरहेको छ ।