जनकपुरः साँसद महतोलाई पक्राउ गर्न गृह मन्त्रालयको निर्देशन

न्यूज ब्यूरो, जनकपुरधाम । नेकपा एमालेका साँसद लक्ष्मी महतो (कोईरी) लाई पक्राउ गर्न गृह मन्त्रालयले पक्राउ गर्ने निर्देशन दिएको छ ।

गृह मन्त्रालयले साँसद कोइरीलाई पक्राउ गर्न शुक्रबार प्रहरी प्रधान कार्यालयलाई निर्देशन दिएको हो ।

कर्तव्य ज्यान मुद्दामा फरार रहेका कोइरी महोत्तरी क्षेत्र नम्बर १ बाट प्रतिनिधि सभामा निर्वाचित भएका थिए ।

साँसदहरुको सपथको बेला समेत कोईरी गृहमन्त्री रवि लामिछानेकै सामुन्ने सपथ लिएका थिए । उनी फरार सूचिमा भएपनि उनलाई पक्राउ गर्न गृहमन्त्रीले कुनै तादरुकता नदेखाएको भन्दै चौतर्फी विरोध भएपछि शुक्रबार पक्राउको निर्देशन दिएको हो ।

सरकारमा गएपछि गृहमन्त्री रवि लामिछानेले एमालेका साँसद बचाउन खोजेको आरोप समाजिक सँजालमा चर्को भएपछि अन्ततः पक्राउ गर्ने निर्देशन दिएको हो ।