मुख्यमन्त्री यादवले पाए पूर्ण बहुमत, मधेशमा पनि प्रतिपक्षिविहिन सरकार

न्यूज ब्यूरो, जनकपुरधाम । मधेश प्रदेशका नवनियुक्त मुख्यमन्त्री सरोजकुमार यादवले बहुमतको विश्वासको मत पाएका छन् ।

बुधबार दिउँसो मधेश प्रदेशको प्रदेशसभामा बोलाइएको बैठकबाट विश्वासको मत माग्दा उनले बहुमत पाएका हुन् ।

विभिन्न राजनीतिक दल सम्मलित प्रदेशसभामा बुधबार १०२ जना प्रदेश साँसदहरु उपस्थिति जनाएका थिए । जसमा मुख्यमन्त्री यादवले विश्वासको मत माग्दा विश्वास तर्फ १०२ जना र अविश्वास तर्फ जनाले ० मत दिएका छन् ।

प्रदेश साँसदमा बुधबार उपस्थिति जनाएका साँसदहरुमध्ये १०२ जनाको मत आधारमा विश्वास तर्फ पाएका १०२ मतले उनी बहुमत पाएका हुन् । बहुमतको लागि मात्र ५३ मत चाहिएपनि उपस्थिति सबै दलका प्रदेश सभा सदस्यहरुले शतप्रतिशत मत दिएपछि पूर्ण बहुमत तथा प्रतिपक्षिविहिनको सरकार गठन भएको छ ।

मधेश प्रदेशमा कुल १०७ साँसद रहेको छ । जसमध्ये दुई जनाको सपथमा कानुनी रोक छ भने बाँकी तीनजना अनुपस्थिति जनाएका छन् ।