सिरहामा वडाध्यक्षद्धारा २५० विपन्न, जेष्ठ नागरिकलाई न्यानो सिरक

उमेश यादव, सिरहा । सिरहा नगरपालिका वडा नम्बर ३ का विपन्न, जेष्ठ नागरिक, अपाँगता भएका व्यक्तिहरुलाई वडाध्यक्षले न्यानो सिरक वितरण गरेका छन् ।

वडाभरिका अति विपन्न, जेष्ठ नागरिक, दलित, अपाँगता भएका व्यक्ति, एकल महिलालाई लक्षित गरी २५० जनालाई न्यानो सिरक वितरण गरेका हुन् ।

वडा नम्बर ३ का वडाध्यक्ष प्रदीप कुमार मण्डलले आफैँ वडाको विभिन्न वस्तीमा पुगेर चिसोबाट बच्नको लागि न्यानो सिरक वितरण गरेका हुन् ।

नगरपालिकाबाट वडा कार्यालयको सहयोगमा वडाध्यक्ष मण्डलले अति विपन्न, दलित, अपाँगता, एकल महिलालाई न्यानो सिरक दिएका हुन् । न्यानो सिरक पाएपछि लाभान्वितहरुले वडाध्यक्ष मण्डलको प्रशँसा गरेका थिए ।